Details

Ágætu bændur og búkonur í Hesti.

Ég vil byrjá á því að þakka fyrir góðan aðalfund og gagnlegar umræður sem þar fóru fram um  málefni sem varða sameiginlega hagsmuni okkar í nútíð og framtíð.
Stjórnin hefur komið saman á sínum fyrsta fundi á nýju starfsári og fjallað um þau verkefni sem eru framundan.  Ég vonast til þess að vefsíðan verði vettvangur eins og verið hefur til þess að upplýsa ykkur um það sem helst er á döfinni hverju sinni.

Nú er árlegur vinnudagur framundan en til hans hefur verið boðað n.k. laugardag 18. maí og er mæting kl 13 í Kinnhesti.  Við þurfum að sameinast um vorverkin sem að þessu sinni eru margvísleg eins og áður og þá helst að dreifa úr malarhlössum sem komin eru í lóðina á Kinnhesti.  Grynnka þarf á miklum stafla af trjágreinum sem safnast hafa þar og til þess fenginn gámur til þess að safna í.  Ganga þarf eftir veginum í landinu og lagfæra þar sem möl hefur færst undan slitlaginu og klippa þar sem gróður hefur  færst inn á veginn.  Fara þarf yfir gangstíga niður að á og fleiri verkefni bíða vinnufúsra handa. Við hvetjum fólk til þess að koma með garðáhöld þ.e. skóflur, klippur og garðhrífur til þess að nota við verkin.

Við hvetjum sem flesta til þess að mæta og að loknum vinnutíma verður heitt á könnunni með tilheyrandi meðlæti.

Með von um að við eigum öll ánægjulega sumardaga framundan í Hesti.

Ólafur Kristinsson, formaður.

Details

Þorravísur 2013 eru komnar hér á heimasíðuna. Þórður G. Ólafsson skráði vísur/ljóð eftir bestu getu af miðum úr vísnahatti!  Athugið að það eru tvær vísur/ljóð sem vantar höfund/bústað. Ef þið kannist við vísuna þá getið sent upplýsingar til vefsíðustjóra.

Details

AÐALFUNDUR

Landeigendafélagsins Hests og Vatnsveitunnar Bunu

Verður haldinn mánudaginn

06.05.2012 að Skipholti 70 og hefst hann kl.20,00

Dagskrá: Venjuleg aðalfundastörf (sjá samþykktir félagsins á hestland.is)

 

Sjáumst á aðalfundi

Edda Ástvaldsdóttir formaður.

Details

Kæru Hestlendingar.

Við sem stóðum að þorrablóti Hestlendinga 12. janúar 2013 viljum þakka fyrir gott kvöld og frábæra mætingu. Uppselt var á blótið, 97 manns skemmtu sér langt fram eftir nóttu.