Details
Bréf frá Herði Óla Guðmundssyni varaoddvita:
________________________________________

Ágætu formenn sumarhúsafélaga.

Núna var að koma inná heimasíðu sveitarfélagsins skrá yfir fornleifar.(gogg.is hnappur Fornleifaskráning í Grímsnes- og Grafningshrepp)

Fornleifar voru skráðar og hnitsettar í tengslum við aðalskipulags gerð um aldamótin síðustu. Það gæti verið spennandi fyrir sumarhúsaeigendur að skoða hvort áhugaverðar minjar leynist í næsta nágrenni við sig.

bestu kveðjur

Hörður Óli Guðmundsson

varaoddviti

Details

Bréf frá Herði Óla Guðmundssyni varaoddvita:

________________________________________

Ágætu formenn sumarhúsafélaga

Náðst hefur samkomulag við eigendur Alviðru um að koma fyrir heimilissorpílátum á vegamótum Biskupstungnabrautar og Grafningsvegar. Þeir eru nú þegar komnir á sinn stað. Það er von okkar að þessi framkvæmd auðveldi sumarhúsanjótendum að losa sig við heimilissorp, eftir sem áður er tekið á móti öðru sorpi á Gámaplaninu við Seyðishóla. Við treystum því að vel verði gengið um þessi ílát einsog önnur sem eru hér í sveitinni.

Gott væri ef ég væri látinn vita um breytingar á netföngum og ef ný félög hafa bæst í hópinn.

bestu kveðjur

Hörður Óli Guðmundsson

varaoddviti

Details
Bréf frá Herði Óla Guðmundssyni varaoddvita:
________________________________________
 
Ágætu formenn sumarhúsafélaga.
 
Nokkuð hefur borið á því að sorp hefur lent þar sem það á ekki að vera. Hvort um er að kenna verktakanum, sveitarfélaginu eða sumarhúsaeigendum á þetta ekki að vera svona. Mælst er til þess að ef ílátin eru full að sorp sé ekki lárið fyrir utan þau. Vargur, hrafn og tófa eru fljót að tæta umbúðir og ná sér í eitthvað bitastætt sem leynist í sorpinu, bitnar þetta á umhverinu hvað mest og auka vinna fyrir starfsmenn verktakans og sveitarfélagsins að tína sorpið saman. Er það von okkar að notendur þjónustunar sýni því skilning að finna ferkar annað ílát sem ekki er orðið fullt til dæmis á gámastöðunum til að losa sig við rusl. Nýr staður fyrir ílát er kominn upp í landi Alviðru, við vegamót Biskupstungnabrautar og Grafningsvegar.
 
Síðustu ár hefur þetta gengið nokkuð vel og kemur þetta ástand okkur því mjög á óvart.
 
bestu kveðjur
 
Hörður Óli Guðmundsson
varaoddviti
Details

Ágætu Hestlendingar!

Ég átti að koma því til skila til ykkar að það eru komin möl í Kinnhest, tveir bílfarmar (20 tonn) sem hægt er að dreifa úr og nota við vegkanta. Einnig er kominn gámur sem má fylla af garðúrgangi og trjágreinum, ekki rusli, timbri eða neinu öðru.

Kveðja,

Áslaug.